تونێلى دەربەندیخان پاککرایەوە

دواى داخستنى تونێلى دەربەندیخان لە کاتژمێر 2ى شەو هەتا 7ى سەرلەبەیانى ئەمڕۆ، لە هەڵمەتێکى بەرفراواندا سەرۆکایەتى شارەوانى دەربەندیخان بە هاوکارى بەڕێوەبەرایەتى هاتووچۆى شارەکە کارى شۆردن و پاککردنەوەى تونێلەکەی جێبەجێکرد.

هەڵمەتەکە بە هەماهەنگى بەڕێوەبەرایەتیی گشتى شارەوانییەکانى سلێمانى و سەرپەرشتیارانى کۆمپانیاى ئۆرانۆس و ژمارەیەکى بەرچاو لە ژینگەپارێزان جێبەجێکرا، توانرا بەشێوەیەکى وور کارى شۆردن و پاککردنەوە بۆ تەواوى بەشەکانى تونێلەکە ئەنجامبدرێت.

لەماوەى 5 کاتژمێردا تیمەکانى شارەوانى دەربەندیخان و کۆمپانیاى ئۆرانۆس ئەرکەکانیان جێبەجێکرد و لەئێستادا هەردوو ئاڕاستەى ڕۆشیتن و هاتنى تونێلەکە بەڕووى شۆفێراندا کراوەیە.