شارەوانى پیرەمەگروون هێماى خۆشەویستى لە دەروازەى شارۆچکەکەدا جێگیرکرد

هاوشێوەى بەشێکى زۆر لە شارو شارۆچکەکانى هەرێمى کوردستان، سەرۆکایەتى شارەوانى پیرەمەگروون هێماى خۆشەویستى لە دەروازەى شارۆچکەکەدا جێگیرکرد کە وێنەى دڵێک و (ڕستەى خۆشم دەوێى پیرەمەگروون)ە بە زمانى ئینگلیزى.

دانانى ئەم هێمایە پەیامى خۆشویستن و ڕێزگرتن و پاراستنى شارۆچکەکەى لەخۆگرتووە، ئامڕازێکە بۆ هاندانى دانیشتووانى پیرەمەگروون تاکو هۆگرى و پەیوەستبوونیان بە شارۆچکەکەیانەوە زیاد بکات و سروشت و ژینگەکەى بپارێزن.

لەناوەڕۆکدا دانان و جێگیرکردنى سیمبوڵ و هێما پەیکەرتاشى و هونەرییەکان ئاماژەگەلێکى هۆشیارى و مەعریفى لەخۆدەگرن، بە ڕامان و ووردبوونەوە لێیان کاریگەرى لەسەر هزر و خەیاڵى هاوڵاتى جێدەمێنێت.