شارەوانى سەیدسادق کۆنکرێتکردنى کۆڵانەکانى دەستپێکردەوە

بەمەبەستى خزمەتکردنى زیاترى دانیشتووانى قەزاکە، سەرۆکایەتى شارەوانى سەیدسادق پڕۆژەى کۆنکرێتکردنى کۆڵانەکانى دەستپێکردەوە.

پڕۆژەکە لە کۆڵانەکانى نزیک مزگەوتی کەسنەزان لـە گەڕەکــی ( هێمن-کەنی زەرد ) و کۆڵانی مزگەوتی شەهیدان (ئاری و دارا ) دەستیپێکردەوە کە لەلایەن کۆمپانیاى (جوانە)ەوە جێبەجێدەکرێت.

پڕۆژەى کۆنکرێتکردنى گەڕەک و کۆڵانەکانى ناوەندى قەزاى سەیدسادق؛ یەکێکە لە بەرنامە و پلانە بەردەوام و ستراتیژییەکانى سەرۆکایەتى شارەوانى سەیدسادق کە ناوبەناو بەگوێرەى بودجەى بەردەست کارى لەسەر دەکات.