چەمى چەقان لە شارۆچکەى سەیدسادیق پاککرایەوە
لەسەر ڕاسپاردەى سەرۆکایەتى شارەوانى سەیدسادق، کۆمپانیاى گەردین هەستا بە پاککردنەوەى چەمى چەقان کە بەهۆى پاشماوەى فڕێدراوى دوکاندار و دانیشتوانى سەر ڕێڕەوى چەمەکە پیسببوو.
چەمى چەقان بەناوەڕاستى شارۆچکەى سەیدسادقدا تێپەڕدەبێت کە بەشێکى بەرچاو لە دانیشتوان و دوکان و بازاڕى سەرەکى شارۆچکەکەى کەوتووەتە سەر، بەهۆى پابەندنەبوون بە ڕێنماییە ژینگەییەکانەوە بەشێکى بەرچاو لە پاشماوەى دوکان و بازاڕەکە دەخرێتە ڕێڕەوى چەمەکەوە، ئەمەش کاریگەرى ئێجگار خراپى لەسەر ژینگە ناوچەکەى دروستکردووە.
لەپێناو پاکڕاگرتنى ژینگەى شارۆچکەکە، 15 ڕۆژ جارێک کۆمپانیاى گەردین لەژێر سەرپەرشتى ڕأستەوخۆى سەرۆکایەتى شارەوانى سەیدسادق هەڵدەستێت بە پاککردنەوەى چەمى چەقان، سەرۆکى شارەوانى سەیدسادق داوا لە هاوڵاتیانى شارۆچکەکە دەکات پابەندبن بە رێنماییە ژینگەییەکانەوە و چیتر سیماى چەمى چەقان بە پاشماوەى فڕێدراو ناشیرین نەکەن.
*زانیارى زیاتر لەم ڕاپۆرتە ڤیدیۆییەدایە
