چورا پڕۆژەى خزمەتگوزارى گرنگ لە پێنجوێن دەچێتە بوارى جێبەجێکردنەوە

لە ڕاگەیاندراوێکدا سەرۆکایەتى شارەوانى پێنجوێن مژدەى ڕەزامەندى چوار پڕۆژەى گرنگ لە قەزاى پێنجوێن بە دانیشتوانى شارۆچکەکە ڕادەگەیەنێ و ڕایدەگەیەنێت؛ پڕۆژەکان لەسەر داهاتى شارەوانى و پارێزگاى سلێمانى لەساڵى 2025 دەخرێنە بوارى جێبەجێکردنەوە کە بریتین لە:

1- پڕۆژەى قیرتاوکردن و سیانەکردنی شەقامی سەرەکی پێنجوێن (قۆناغی حەوتەم) بەبڕی 92٫774٫000 ملیۆن دینار لەسەر بودجەی وەبەرهێنانی پارێزگای سلێمانی.

2- پڕۆژەی دروستکردنی ئاوەڕۆی لولەیی بۆ چەند کۆڵانێک لە گەرەکی (رزگاری+35)ەکان بە بڕی 29٫978٫000 ملیۆن دینار لەسەر داهاتی ٪15ی شارەوانیمان.

3- پڕۆژەی قیرتاوکردن و نۆژەنکردنەوەی شەقامی سەرەکی پێنجوێن (قۆناغی پێنجەم)+ فراوانکردن و نۆژەنکردنەوەی شەقامی سەرەکی خانووە تازەکان بەبڕى 221٫267٫000 ملیۆن دینار لەسەر داهاتی شارەوانیمان و فرۆشتنی زەوی٪100.

4- پڕۆژەی دروستکردنی ئاوەڕۆی لوولەیی پۆلی ئەسیلین بۆ کۆڵانێک لە گەرەکی (ئەلیاسەفرە+قەسابخانەکە) بە بڕی 28٫891٫500 ملیۆن دینار لەسەر داهاتی ٪15ی شارەوانیمان.

سەرۆکایەتى شارەوانى پێنجوێن ڕاشدەگەیەنێت؛ لەپاڵ کاروچالاکی و خزمەتگوزارییە بەردەوامەکانمان، لەهەمانکاتدا بەردەوام لە هەوڵى ئامادەکردنى دەرخستە و دیزانیى پڕۆژەى نوێدا بووین، سوپاس بۆخوا ئەمڕۆ ڕەزامەندى لەسەر چوار پڕۆژەى گرنگى قەزاکە دراوە کە خزمەتێکى گەورە بە دانیشتوانە خۆشەویستەکەى دەگەیەنن.