هەڵمەتە ژینگەیەکان بەردەوامن

ئەمڕۆ 28/1/2058 لە ناحیەی سیتەک لەسەر ڕاسپاردەى بەڕێوەبەرى گشتى شارەوانیەکانى سلێمانى و بەڕێوبەرى ژینگە هەڵمەتێکى بەرفراوانى کۆکردنەوەى خۆڵ و خاشاکی کۆڵان و شەقامی سەرەکیەکان لە سنوری شارەوانی سیتەک ئەنجام درا.

هەڵمەتەکە لەلایەن کۆمپانیاى ( ئۆرانۆس ) ئەنجام درا بە سەرپەرشتى بەڕێوەبەرایەتیی گشتیی شارەوانیەکانى سلێمانى و سەرۆکایەتى شارەوانى سیتەک و بەشدارى زیاترلە 50 ژینگە پارێز و 6 ئامێر و ستافى سەرپەرشتیارى .

لەبەر هەڵکەوتەی گەشتیاری و ئەو لۆدە زۆرەی لەسەر ناحیەکە هەیە ئەنجام دانی ئەم هەڵمەتانە زۆر پێویستە بۆ سنورەکە.

بڕیارە ئەم هەڵمەتانە بەردەوام بن و لەسەرجەم شارەوانیەکانی سەر بەبەڕێوەبەرایەتی گشتیمان ئەنجام بدرێت..