جێبەجێکردنى دوو پرۆژەی دروست کردنی شۆستەی گەڕەکەکانی شارۆچکەی ئەڵڵایی وە قیرتاو کردنی گەڕەکەکانی شارۆچکەکە

لە بەردەوامى ئیش و کارو چالاکیەکانی سەرۆکایەتی شارەوانی ئەڵڵایی لەسەر داهاتی فرۆشی ۱٠٠٪ زەوی شارۆچکەکە و پەرە پێدانی هەرێمەکان و بودجەی تەرخانکراو بۆ دوو پرۆژەی ( دروست کردنی شۆستەی گەڕەکەکانی شارۆچکەی ئەڵڵایی وە قیرتاو کردنی گەڕەکەکانی شارۆچکەکە) بە بڕو تێچوی ( ۹۳۸٥٥۲٥٠٠) نۆسەدو سی و هەشت ملیۆن و پێنج سەدو پەنجاو دوو هەزارو پێنج سەد دینار . کە لە لایەن کۆمپانیای سۆکار جێبەجێ دەکرێت وە بە سەرپەرشتی ڕاستەوخۆی ئەندازیاران و ستافی هونەری بەڕێوە بەرایەتی گشتی شارەوانیەکانی سلێمانی ئەندازیاران و ستافی هونەری سەرۆکایەتی شارەوانی ئەڵڵایی سەرپەرشتی دەکرێت وە کارەکانی ئەو دوو پرۆژەیە دەست بەکاربوون لە بەرواری ۲٠۲۳/٦/۲٥ .